Ki Sa yon Imigran Ki Gen TPS Kapab Fè Si Imigrasyon Pa Renouvle Pèmi Travay li?

Estati Pwoteksyon Tanporè, TPS ap eskpire an janvye 2021 pou plis pase 300 mil benefisyè. Sepandan, anpil nan benefisyè yo gen difikilte pou renouvle pèmi travay yo. Farah Larieux, pòt pawòl moun ki gen TPS yo ap eksplike rekou ki genyen si yon moun ta gen difikilte pou l renouvle kat travay li.

Chanm Bas Kongrè Ameriken an Adopte yon Lwa pou Prezidan Trump Mande Kongrè a Avan li Fè Lagè ak Iran

Chanm depite Etazini an, Demokrat yo kontwole, adopte yon rezolisyon ki mande pou Prezidan Donald Trump jwenn pèmisyon nan men Kongrè a anvan li anvizaje yon operasyon militè kont Iran. Mezi la pa gen fòs yon lwa men li nesesè dapre prezidan chanm bas Nancy Pelosi. Plis detay ak Serge Rodriguez.

Nouvèl sou Ayiti, Etazini, ak Rès Mond la

Ann Ayiti:   Lendi 13 Janvye 2020 an, palman ayisyen an ap disfonksyonèl lè manda tout chanm depite a ak omwen yon tyè Sena a ap ekspire. Sepandan, gen gwo deba k ap fèt si wi ou non manda yon lòt tyè Sena a pa ta dwe ekspire tou. Ekspè legal, senatè konsène yo gen …

Etazini: Prezidan Chanm Bas la Nancy Pelosi Retire Dout Kòmkwa li Refize Voye Dosye Impeachment la nan Sena a

Prezidan chanm depite ameriken an Nancy Pelosi retire dout kòm kwa li refize voye nan Sena a atik ki enkilpe prezidan Donald Trump. Jean Robert Philippe di nou lidè minorite chanm nan Kevin McCarty di rezon ki fè prezidan chanm nan pa vle voye dokiman an nan sena a siy ki montre dosye a fèb.

Yon Demach nan Kongrè a pou Moun Ki Gen TPS yo Jwenn Rezidans Pèmanan

Oganizasyon defansè dwa imigran yo rankontre senatè ak depite nan Kongrè a kote obejektif yo se rive fè pase yon pwojè lwa pou moun ki gen TPS yo jwenn rezidans pèmanan. Marleine Bastien, direktris FANM, Family Action Network Mouvement ak Farah Larieux, te pale nan mikwo Arthur Jean Pierre.

Ozetazini: Militan Kap Defann Imigran yo Ap Mitipliye Rankont nan Kongrè a Anfavè Moun Ki Gen TPS yo

Plizyè òganizasyon kap defann moun ki gen TPS yo (Stati Pwoteksyon Tanporè) ap rankontre plizyè palmantè ameriken nan Washington nan lide pou sansibilize yo pou adopte yon lwa ki bay imigran sa yo rezidans pèmanan. Kèk nan militan ak moun ki gen TPS te pale nan mikwo Arthur Jean Pierre.

Prezidan Donald Trump Anonse li Ajoute Sanksyon Ekonomik Tou Nèf sou Iran

Prezidan Donald Trump anonse li ajoute sanksyon ekonomik tou nèf sou Iran an poutèt li lanse plizyè misil sou baz ameriken ap viv ann Irak. jean Robert Philippe di nou kominote entènasyonal la mande 2 belijeran yo pou mete dlo nan diven yo akoz yon gè pap nan enterè pèson.

Baz Aeryen Irakyen Al-Asad Kote Twoup Ameriken yo Loje Sibi yon Atak ak Wòkèt

PENTAGON: Baz irakyen Al-Asad kote twoup ameriken yo loje sibi yon atak dapre yon sous militè ki te pale ak Lavwadlamerik. Korespondan Lavwadlamerik nan Pentagon Carla Babb te mande nouvo devlopman sa a vle di repons Lèzetazini bay dènyeman nan rejyon an pa pote rezilta? Sous militè a reponn pou l di, “Jwèt la Chanje.” …

Militan Kap Defann Imigran Ki Gen TPS yo Ap Rankontre ak Plizyè Senatè nan Washington

Yon gwoup ayisyen ak resòtisan kèk peyi nan Amerik Latin nan ki gen Stati Pwoteksyon Tanporè a, TPS, twouve yo nan Washington pou fè demach an favè pi bon stati pou imigran sa yo. Youn nan militan ki akonpaye gwoup la, se Marleine Bastien, yon defansè dwa imigran. Lap reponn kesyon Ronald Cesar. Yon lòt …